Ibën Kajimi, All-llahu e mëshiroftë, thotë:
Më i miri adhurim në kohën e xhihadit është vet xhihadi edhe nëse është shkak për t'i anashkaluar disa sunete të rëndomta si namazin e natës dhe agjërimin e ditës.
Më prioritare në një të tretën e natës është të angazhohesh me namaz, Kur'an, përmendjen e All-llahut dhe lutje.
Më prioritare në kohën e thirrjes së ezanit është të lihet përmendja e All-llahut dhe të angazhohesh me lutjet që duhet të thuhen gjatë ezanit.

Më prioritare në kohën e namazit është të nxitosh për namaz, të dalësh në xhami edhe nëse është larg dhe të jesh sa më i gjallë për të kryer namazin në mënyrë sa më të përsosur.
Më prioritare në kohën kur nevojtari ka nevojë të ndihmohet me pasuri, shërbim, forcë, është që të angazhohesh që ta ndihmosh në çdo mënyrë.
Më prioritare gjatë leximit të Kur'anit është që të mundohesh sa më shumë ta kuptosh, sikurse All-llahu ty të drejtohet.
Më prioritare gjatë qëndrimit në Arafat është të bërit dua dhe të përmendurit e All-llahut.
Më prioritare gjatë dhjetë ditëve të para të muajit ''Dhul Hixhe'' është shkuarja e adhurimeve e veçanërisht fjalët ''All-llahu Ekber'', ''La ilahe Ila All-llah'', ''Elhamdulilah' '.
Më prioritare në dhjetë ditët e fundit të Ramazanit është të bërit i'tikaf dhe të qëndruarit në xhami.
Më prioritare gjatë sëmundjes së ndonjë miku apo gjatë vdekjes, është të vizitohet i sëmuri, por në rast se vdes, të prezanton në xhenazen dhe në varrimin e tij.
Më prioritare nëse të vjen ndonjë mysafir është të angazhohesh me mysafirin dhe të mirëpritsh ashtu siç është më së miri.
Më prioritare në çdo kohë dhe çast është t'i jepet përparësi urdhrave të All-llahut dhe të veprosh me obligimet që i kërkon koha dhe momenti.